«Европротокол». «Жүргізушілерге арналған» мобильді қосымшасының артықшылықтары айтылды

680
Adyrna.kz Telegram

2024 жылдың қаңтар айынан бастап Қазақстанда Еуро стандарттар бойынша жол-көлік оқиғаларын (ЖКО) ресімдеу заңнамалық түрде енгізілді. Азаматтарға ыңғайлы болу үшін «Европротокол» мобильдік қосымшасы енгізілді, деп хабарлайды Астана әкімдігінің ресми сайты елорда сотына сілтеме жасап.

Барлық азамат апат кезінде еуропалық хаттаманы рәсімдеу мүмкіндігі туралы біле бермейді. Жеңіл ЖКО кезінде сақтандыру жағдайын полиция мен сот шешімін шақырмай жеңілдетілген тәртіппен рәсімдеуге болады.

Артықшылықтары:

1) азаматтар үшін жұмыс кестесінен қол үзбей уақытты үнемдеу;
2) келтірілген залалды өтеу мәселесін жылдам шешу;
3) сақтандыру төлемдерін алу мерзімдерін қысқарту;
4) әкімшілік жауапкершілікке тартудың болмауы.

Еуропалық хаттама қолданылады, егер:

1) ЖКО-ға тек екі көлік құралы қатысса;
2) ЖКО қатысушыларының қолданыстағы сақтандыруы, яғни көлік құралдары иелерінің азаматтық-құқықтық жауапкершілігін міндетті сақтандыруы бар болса;
3) ЖКО нәтижесінде ЖКО қатысушыларының көлік құралдарына ғана зиян келтірілсе (өміріне және денсаулығына зиян келтірілген жәбірленушілер болмаса, үшінші тұлғалардың мүлкі зардап шекпесе);
4) ЖКО қатысушыларында кімнің кінәлі тарап, кімнің зардап шеккені туралы келіспеушіліктер жоқ болса;
5) залалдың шекті сомасы 100 АЕК-ке дейін 2024 жылғы 1 қаңтардан бастап 369 мың теңге.

Апатты App Store және Google Play дүкендерінде жүктеуге болатын «Европротокол» мобильді қосымшасы арқылы рәсімдеуге болады.

ЖКО қатысушыларының мобильді нөмірлері мобильді азаматтар базасында тіркелуі тиіс екенін атап өту маңызды.

Апатқа қатысушылардың екеуіне де «Европротокол» қосымшасын жүктеп, ЖКО бойынша мәліметтерді толтыру қажет.

Пікірлер