Алматылықтарға тауар үшін ақшаны қайтарудың жолы көрсетілді

79
Adyrna.kz Telegram
Фото: smi24.kz
Фото: smi24.kz

Қазақстан Республикасы Сауда және интеграция министрлігінің Алматы қаласы бойынша Сауда және тұтынушылардың құқықтарын қорғау департаменті басшысының орынбасары Нұрлан Әбдиев азаматтарға өздерінің алданып қалғанын түсінген кезде қалай әрекет ету керектігін нұсқады.  

Қала тұрғындары оларға алдап сатылған массаж жамылғылары үшін ақшаларын қайтара алмай жүргенін айтып,  шағымданды.   Нұрлан Әбдиев құқық қорғау органдарымен бірлесіп, олар бойынша көптеген фактілер жүргізіліп жатқанын атап өтті.

Оның айтуынша, алданудың құрбаны болған алматылықтар Департаментке жазбаша өтініш бере алады. Массаж жамылғысының ақшасын қайтарып алу үшін сатып алу фактісін дәлелдейтін чек немесе келісім-шарт болуы керек.

 «Сіз жамылғыны сатып алып, оны қайта сатып алған жерге қайтарып бергіңіз келсе, сатушыға 14 күн ішінде дереу хабарлап, сол уақыттан кешіктірмей қайтаруыңыз керек. Кейде  2-3 күн уақыт өтіп кетеді, бірақ 14 күн ішінде жамылғыны қайтарып үлгеру керек. Көбінесе тауарды сатушылар әртүрлі қалаларға келіп, сол жерде таныстырылымын өткізіп жатады. Презентацияларда олар қандай да бір жолмен адамдарға бөліп төлеу немесе несиеге беру арқылы тауарларын өткізеді.  Сатып алушы үйіне барып, 2-3 күн өткен соң бұл тауардың мүлдем қажет еместігін түсінеді. Сондай-ақ, бұл өнім нарықта 2-3 есе арзан. Сондықтан азаматтарды ақпараттандыру мақсатында егер қандай да бір байланыс номері қалған болса, оны WhatsApp арқылы сотқа дейінгі шағымды жіберуді ұсынамын. Сіз оларға 14 күн ішінде хабарласып, осы тауарды қайтаруға, қоңырау шалуға немесе сотқа дейінгі шағымды ресми түрде пошта арқылы немесе қолма-қол жіберуге немесе осы компанияның ресми электрондық поштасына жазуға тырысқаныңызды көрсетуіңіз керек», - деді Нұрлан Әбдиев.

Ол Қазақстанда шағымдарды қараудың үш сатылы тетігі бар екенін айтты. Бірінші деңгейде сатушының шағымды өз бетінше қарауы не дауларды сотқа дейінгі реттеу субъектілерінің қызметтеріне жүгінуі көзделеді.

 «Бірінші кезең - тұтынушы сатушыға сотқа дейінгі шағыммен ресми түрде жүгінуі керек. Оған ұнамаған нәрсе, қандай да бір ақау, тауардағы бірдеңе дұрыс емес және т.б. туралы барлық талаптарыңызды көрсетіңіз. Нақты формасы жоқ. Жоғарғы жағында сатушының атауы, чектен алынған мәліметтер жазылады. Бұдан әрі жүгінетін адамның (тұтынушының) деректері көрсетіледі. Ортасында «сотқа дейінгі талап» деп жазу керек. Онда барлық жағдайды, не болғанын, сізге бұл тауар ұнамайтынын, неге оны қайтарғыңыз келетінін немесе екөрсетілуі  керек болған қызмет  тиісті түрде көрсетілмесе, осы қызметті баяндау керек», - деді Нұрлан Әбдиев.

Бұл талап сатушыға үш жолмен беріледі:

- қолма-қол (екі данада). Олардың бірінде сатушы не алғаны, қашан алғаны және қолы туралы міндетті түрде қол қоюы керек. Егер ЖШС мөр қоя алса;

- кез келген Курьерлік қызмет арқылы тапсырысты хатпен (кез келген заңды мекенжайға Қазпошта арқылы);

- электрондық поштаға (ол ресми сайтта болуы керек).

Сіз бұл шағымды тапсырғаннан кейін, 10 күнтізбелік күн ішінде сатушы сіздің сотқа дейінгі шағымыңызға сотқа дейінгі шағымыңызды жібергендей ресми түрде жауап беруі керек. Және сіздің шағымыңызда көрсетілген талаптарды жоюы керек.   Екінші деңгейде шағымдарды уәкілетті орган қарайтын болады.

 «Сатушы сіздің талаптарыңызды орындамаған жағдайда, сіз Алматы қаласы бойынша Сауда және тұтынушылардың құқықтарын қорғау департаментіне ресми өтінішпен жүгінуіңіз керек», - деп атап өтті спикер.

Ол бұзушылықтарды ерікті түрде жоюдан бас тартқан жағдайда, жосықсыз сатушылар жауапқа тартылатынын түсіндірді.   Тек үшінші деңгейде шағымдарды сот қарайды.

Пікірлер