Көріпкелдің айтқаны Бишімбаевтың анасына тірелді

2015
Adyrna.kz Telegram

Тұрмыстық зорлық-зомбылық құрбаны болған Салтанат Нүкенова өлім аузында жатқанында Қуандық Бишімбаевтың көмекке жүгінген көріпкелі Гүлнар Ережепова сотта жауап берді, деп хабарлайды “Адырна” ұлттық порталы.

Жауап алу кезінде көріпкел мынадай маңызды жайттарды баяндады:

“Бишімбаев маған сол күні кешке дейін ішімдік ішіп, кейін төбелес шыққанын айтты. Ол әйелінің жағдайын сипаттауда тым сақтықпен сөйледі. Өз-өзіне ұқсамады. Дауыс ырғағы да басқаша болды. Мен оған неге маған хабарласып жатқанын сұрадым, дәрігердің көмегіне жүгін дедім” деп жауап берді көріпкел.

Көріпкелдің айтуынша, Бишімбаев Салтанаттың жағдайын сипаттап, оның қозғалмай жатқанын, жауап бермей тұрғанын айтып, оның сауығып кететінін айтып, жедел жәрдем шақырудан бас тартқан.

Кейін көріпкел Бишімбаевтың анасына телефон соғып, ұлына бірдеңе болғанын ескерткен. Анасы қатты жылай бастаған соң, көріпкел телефонды қойған.

 

Пікірлер