"Ең көнелерінің бірі болуы мүмкін". Шатқалдағы петроглифтер жойылу алдында тұр

742
Adyrna.kz Telegram
Фото: qazaqstan3d.kz
Фото: qazaqstan3d.kz

Қызылорда облысында ежелгі петроглифтердің бір бөлігі жойылып кету алдында тұр, деп хабарлайды "Адырна" тілшісі Хабар 24 арнасына сілтеп. 

Сауысқандық шатқалы, Қаратау бөктерінен табылған ежелгі жазу туристер мен демалушыларды әрқашан қызықтырып келген. Археологтар оның жойылып кетуіне алаңдаулы.

“Сауысқандық петроглифтерінің бірегейлігі – оларды белгілі бір уақытша қабатқа енгізу қиын. Мұнда көшпенділер мәдениеті, отырықшы және андронов мәдениеті бар. Мұнда сурет салу техникасының бірнеше түрі байқалады. Бірақ қазір бұл петроглифтер жойылу алдында тұр”, – деді археолог Сағымбай Мұрғабаев.

Шатқалдағы 10 мыңға жуық оқиға бейнеленген таңбалар 7 шақырымға созылады. Бірегей нысан ЮНЕСКО-ның бүкіләлемдік мұра тізіміне енген.

“Мұраға 4 мың жылға жуық уақыт болған. Аморфты кескіндер мен сурет салу техникасы қола дәуірінен басталады. Петроглифтердің бұл тобы ең көнелерінің бірі болуы мүмкін. Аумақты қорыққа айналдыру жоспарланып отыр. Бұл туристер арасында үлкен қызығушылық тудырады”, – деді тарих ғылымдарының кандидаты Нұрлыбек Мыңжасов.

Пікірлер