Алматы облысында ауылды су басты. Әкімдік жауап берді

758
Adyrna.kz Telegram

Алматы облысы Жібек жолы ауылын су басты. Бұл туралы әлеуметтік желілерде видео пайда болды, деп хабарлайды “Адырна” ұлттық порталы tengrinews.kz сайтына сілтеп. 

Ауыл тұрғындарының айтуынша, 7 сәуір күні түнде бірнеше көшені су алған. Алматы облысы әкімдігі жер асты суларының көтерілгенін хабарлады.

"Жібек жолы кентінің Қарасу, Ақдала, Ақсу, Ақ Жазық, Көкқайнар, Бөгенбай батыр, Баласаз, Жиделі көшелерінде жерасты суларының жиналу деректері анықталды. Қазір әкімдік қызметкерлері арнайы техника арқылы суару арықтарын қазып, суды сору жұмыстарын жүргізіп жатыр. Бүгінде төрт шақырымнан аса арық қазылды", - деп хабарлады облыс әкімдігі.

Еске салайық, 30 наурызда Алматы облысында Ворошилов су қоймасының бөгеті жарылды. Соның салдарынан Жармұхамет өзенінің төменгі ағысындағы екі көл толып, нәтижесінде 12 мыңнан аса адам тұратын екі елді мекенді су басу қаупі төніп, кейбірі шұғыл эвакуацияланған болатын. 

Пікірлер