Алматыда күзетшіні көлікпен қағып, аяусыз ұрған ер адамның әкесі экс-депутат болуы мүмкін екені айтылды. Бұл туралы Kozachkov offside телеграм-арнасы жазды, деп хабарлайды «Адырна» тілшісі.
«Егер менің дереккөздерім қателеспесе, алматылық кісі өлтіруші бұрынғы депутат пен прокуратура қызметкерінің ұлы болуы мүмкін. Бұл аса қатыгездікпен адам өлтіру ме немесе абайсызда болған жайт па?»— деп жазды журналист Михаил Козачков.
Еске салайық, бұған дейін Алматыда ер адамның тұрғын үй кешенінің күзетшісін көлікпен қағып, артынша өлімше етіп сабағанын жазған едік. Қалалық полиция департаменті жәбірленушінің ауруханада қайтыс болып, шабуылдаған ер адамның ұсталғанын мәлімдеді. Марқұмның артында 3 баласы қалды.
