Қостанай облысындағы Амангелді ауылы су астында қалды, деп хабарлайды "Адырна" порталы Тобыл инфоға сілтеп.
«Қостанай облысына үлкен су екпіні келді. 25 наурызда Арқалықтың елді мекендерінде алғашқы су тасқыны тіркелді. 26 наурызда Амангелді ауылында күрделі жағдай туындады», - делінген хабарламада.
Олардың айтуынша, оқиға орнында 18-ге жуық құтқарушы жұмыс істеп жатыр, бірақ олардың күші жетпеуде. Тұрғындардың айтуынша, жергілікті билік су тасқынына дайын болмаған.
Жергілікті тұрғындардың айтуынша, үйлерге су кіріп, малға қауіп төніп тұр. Су тасқынының алғашқы құрбандары – ұсақ қозылар. Ал адамдар мүліктері үшін алаңдаулы.
«Адамдар дүрбелең салуда! Билік су тасқынына төтеп бере алмайды! Орталықта Сейфулин көшесінің бәрін су басты, ол жақта екі мектеп бар», - дейді жергілікті тұрғындар.
