Оралға ұшқан «Air Astana» әуе компаниясының ұшағы қайта айналып, Алматыға оралды, деп хабарлайды "Адырна" ұлттық порталы.
Flightradar24 сайтының мәліметі бойынша, «Air Astana» әуе компаниясының KC881 рейсі Алматыдан Оралға ұшып, кенет қайта айналып Алматыға қонған.
Әуе компаниясының сайтында рейстің күйін тексеру кезінде сағат 13.40-та жоспарланған рейс жойылып, 2 наурызда сағат 16.00-ге ауыстырылғаны көрсетілген.
«Air Astana» әуе компаниясы жағдайға қатысты жауап берді:
«Бүгін KS 881 Алматы-Орал рейсін орындаған «Air Astana» ұшағы жолаушының жағдайының нашарлауына байланысты әуеден оралды», - деп түсіндірді «Air Astana» баспасөз қызметі.
Әуе кемесінің командирі дәрігерлерді Алматы әуежайына шақырды. Ұшақ 15.10-да қонып, науқас жолаушы жедел жәрдемге жеткізілді.
