Қазақстан Президенті Қатарға іс-сапармен аттанды, деп хабарлайды "Адырна" тілшісі Ақордаға сілтеп.
Дохадағы «Хамад» халықаралық әуежайынан Қатар Мемлекетінің Әмірі шейх Тәмим бен Хамад Әл Тәни Қазақстан басшысы Қасым-Жомарт Тоқаевты арнайы қарсы алды.
Мемлекет басшылары әуежайдың мәртебелі меймандар залында қысқаша пікір алмасты.
Бүгін, 14 ақпан күні Қасым-Жомарт Тоқаев Қатар Мемлекетінің Әмірі шейх Тәмим бен Хамад Әл Тәнимен және Премьер-министрі шейх Мұхаммед бен Абдулрахман Әл Тәнимен арнайы келіссөздер жүргізіп, бірқатар екіжақты құжатқа қол қою жоспарланып отыр.