Home » Жаңалықтар » Тараздық тұрғындарға ыстық су қыркүйек айында беріледі

Тараздық тұрғындарға ыстық су қыркүйек айында беріледі

Тараз қаласында тұрғындарға ыстық су қыркүйек айында беріледі. Бұл туралы бүгін ӨКҚ алаңында өткен баспасөз конференциясында айтылды, – деп хабарлайды “ZhambylNews” Ақпараттық Агенттігі.

Жиынға Жамбыл облысы әкімдігінің энергетика және тұрғын үй-коммуналдық шаруашылық басқармасы басшысының орынбасары Құдайберген Қорғанбаев, «Таразэнергоорталық» АҚ президенті Абуталип Серикбаев, «Таразтрансэнерго» МКК директорының м.а. Жақсылық Жогибаев, «Темір Жол-Жылу» МКК директоры Ғайни Исабеков қатысты.

Спикерлердің сөзінше, Тараз қаласының жылумен қамтамасыз ететін кәсіпорындарында 2019-2020 жылдарға жылыту маусымына дайындық іс-шара жоспары әзірленіп бекітілген. Ағымдағы жылы облыс бойынша жылумен қамтитын кәсіпорындар ағымдағы және күрделі жөндеу жұмыстарына 626,83 млн. теңге қарастырылған.

Ал «Жамбыл-Жылу» кәсіпорынның РК-1 қазандығынан қаладағы 82 көпқабатты тұрғын үйлер ыстық су алуда, яғни, ыстық су алдағы жылыту маусымына дейін үздіксіз берілетін болады. Олар: «Қаратау» (2), «Қарасу» (5) ықшам аудандары мен «Массив Қарасу», «Қант кенті» массивтері.

Сондай-ақ, «ТемірЖол-Жылу» кәсіпорны бойынша «Газовая» қазандығынан Байзақ батыр көшесіндегі 19 көпқабатты тұрғын үйге ыстық су беруді ағымдағы жылдың 5 маусымынан бастап тоқтатылды. Бекітілген жоспар бойынша аталған учаскіде жылу желілерінің жөндеу жұмыстары жүргізілетін болады.

Пікір жазу

Почта жарияланбайды. Таңдаулы өрісті толтырыңыз *

*

x

Check Also

“Басқа әлемде жүргендей еді”: боксшының анасы ұлының ауыр қылмысқа қалай барғанын айтты

Аслан Мұқановтың отбасы боксшы теріс діни ағымның ықпалына түсті деп санайды  Қазақстанның былғары қолғап шебері, ...