Бүгін Қазақ КСР-інің еңбек сіңірген ғылым қайраткері, «Түркі әлеміне сіңірген ерен еңбегі үшін» сыйлықтарының иегері, «Парасат» орденімен және бірнеше медальдар иесі Рахманқұл Бердібайдің туған күні.
Әдебиеттанушы 1927 жылы 2 желтоқсанда Оңтүстік Қазақстан облысындағы Түркістан ауданының Көкіш ауылында дүниеге келген. Ол өзінің жұмыс істеген жылдарында 32 мың кітап және мыңнан астам мақала жариялаған. Ол «Қазақ тарихи жырларының мәселелері», «Фольклор шындығы», «Қазақ фольклористикасының тарихы», «Қазақ фольклорының поэтикасы», «Қазақ фольклорының типологиясы» секілді іргелі академиялық зерттеулердің жазылуына жетекшілік жасап, осы зерттеулердің негізгі тарауларын жазысты. Сондай-ақ өткен заманнан қалған мұраны әділ зерттеп, бағалаудың орнына оның бәрін әдебиеттің «алтын қорына» қосуды ұсынады. Рахманқұл Бердібай жазған алғашқы мақалаларынан бастап-ақ қазақ халқының тағдыры оның тілінің тағдырымен тікелей байланысты екенін ашына көтерген. Мемлекет қайраткері, этнограф Өзбекәлі Жәнібеков өз естелігінде былай деген болатын: «Әлі есімде, маған Орталық Комитетке хатшы болып сайланысымен арада он күн өтпей жатып, Қазақстан Жазушылар одағының пленумында сөйлеуге тура келген еді. Рахманқұл Бердібай сол кездесуде зиялы қауымнан бірінші болып Наурыз мейрамын атап өту жөнінде мәселе қойған болатын». Рахманқұлдың шығармашылық жолы – ұлтқа әдебиет, мәдениет, ғылым арқылы қызмет етудің жарқын көрінісі. Ұлттық рух, сол рухты ұлықтау оның бүкіл еңбектерінің негізгі сарынын құрайды.«Адырна» ұлттық порталы
