Ақтөбеде жол апатынан бір адам қаза тауып, үш жолаушы ауруханаға жеткізілді, деп хабарлайды "Адырна" ұлттық порталы.
Бұл туралы Ақтөбе облысы Полиция департаментінің баспасөз қызметі хабарлады.
"25 қарашада сағат 9.30-да Шұбарқұдық-Ойыл-Қобда-Тұзтөбе тас жолының 225 шақырымында Renault Duster автокөлігінің жүргізушісі рульді басқара алмай, қарсы жолаққа шығып, аударылды. Жол-көлік апаты салдарынан төрт жолаушы Қобда ауданының орталық ауруханасына жеткізілді, кейін бір жолаушы ауыр дене жарақатынан ауруханада қайтыс болды", - деп жазылған ПД хабарламасында.
Полицияның мәліметінше, зардап шеккендер мен қаза тапқан азаматтар Ойыл ауданының тұрғындары болып шықты.
