Қазақстан сыра қайнату өнімдеріне акциз ставкасын көтеруді жоспарлап отыр. Бүгін Мәжіліс депутаттары салық және бюджетке төленетін басқа да міндетті төлемдер туралы заң жобаларына тиісті түзетулерді бірінші оқылымда қабылдады, - деп хабарлайды "Адырна" тілшісі.
Сыра қайнату өнімдеріне акциз ставкасын литріне 79 теңгеден 90 теңгеге дейін көтеру ұсынылып отыр.
Сонымен қатар, қарастырылып жатқан заң жобасында цифрлық тау-кен өндіру үшін алым мөлшерлемелері туралы айтылады. Оны Қазақстанның біртұтас электр энергетикалық жүйесіне қосылмаған меншікті генерациялау қондырғыларының электр энергиясын пайдаланған кезде бір киловатт-сағат үшін бір теңге есебімен есептеу ұсынылады.