Home » Басты тақырып » Назарбаев пен Тоқаев қазақстандықтарды 1 мамыр мерекесімен құттықтады

Назарбаев пен Тоқаев қазақстандықтарды 1 мамыр мерекесімен құттықтады

Мемлекет басшысы Алматыдағы мерекелік шараларға қатысса, Елбасы 1 мамыр мейрамын Нұр-Сұлтанда атап өтті

Қазақстанның тұңғыш президенті – Елбасы Нұрсұлтан Назарбаев пен мемлекет басшысы Қасым-Жомарт Тоқаев қазақстандықтарды 1 мамыр – Қазақстан халқының бірлігі күнімен құттықтады.

Нұрсұлтан Назарбаев мейрамды елордада атап өтті. Ол Қазақ елі монументіне гүл қойып, халық алдында құттықтау сөз сөйледі.

Елбасы Нурсултан Назарбаев посетил народные гуляния по случаю празднования Дня единства народа Казахстана

“Біз – бақытты халықпыз. Бірлігімізді сақтап, тәуелсіздігімізді құрметтеуіміз керек. Даму бағдарламаларымызды жүзеге асыру еліміздің болашағын одан әрі жарқын ете түседі. Әр үйге, әр отбасына береке, бақыт, амандық және ертеңгі күнге деген сенімділік тілеймін. Мейрамдарыңызбен!”– деді Елбасы.

Мемлекет басшысы Тоқаев Алматыға жұмыс сапарымен барып, мейрамды туған қаласында атап өтуде.

 Президент Касым-Жомарт Токаев принимает участие в массовых гуляниях, посвященных Дню единства народа Казахстана

“Қымбатты алматылықтар, Алматы – тарихтағы орны ерекше қала. Дәл осы жерде 1986 жылдың желтоқсан айында бұрынғы Кеңес Одағы республикаларының әрі қарай дамуына әсер еткен оқиға болды. Осы қалада тәуелсіздігіміздің декларациясы қабылданды. Көптеген қазақстандық пен бүкіл елдің тағдыры Алматымен тығыз байланысты. Көктемнің шуақты күнінде өзім туып-өсіп, білім алған, Қазақстанның тәуелсіздігі үшін қызмет ете бастаған тамаша қалада болу мен үшін үлкен құрмет әрі ғанибет”, – деп Тоқаев оңтүстік астана тұрғындарын құттықтады.

Тоқаев Елбасы 29 сәуірде Қазақстан халқы Ассамблеясының сессиясында айтқан сөздерді қайталап, қазақстандықтар ауызбіршілікте еңбек етіп, мықты әрі дамыған мемлекет құра алатынын атап өтті.

“Бірлік күнімен құттықтаймын. Әрқайсыңызға бақ-береке, жаңа жетістіктер тілеймін. Қаламыз көркейе берсін!”, – деп сөзін аяқтады президент.

Sputnik

Пікір жазу

Почта жарияланбайды. Таңдаулы өрісті толтырыңыз *

*

x

Check Also

ҚАЗАҚСТАНДАҒЫ ДІНИ ИДЕОЛОГИЯЛАРДЫҢ ХАЛЫҚАРАЛЫҚ БАЙЛАНЫСЫ

Қазақстанда сәләфилік идеологиялық ағымдардың сопылардан басымдығының кейбір ерекшелігіне тоқтала кетейік. Араб тіліндегі «сәләф» сөзі «алдыңғы ...