Ширыққан жағдайға Лукашенконың араласқаны айтылады. Путиннің баспасөз хатшысыПесковтың сөзіне сенсек, Лукашеншоның өзі Пригожинмен 20 жылдай арлас-құраластығы барын айтып, келіссөз жүргізуді ұсынған.
"Александр Григорьевич [Лукашенко] Пригожинмен бұрыннан таныс, бұл оның жеке ұсынысы болды. Біз осы іске ат салысқан ол кісіге разымыз", - деп мәлімдеді Ресей Федерациясы Президентінің баспасөз хатшысы Дмитрий Песков.
Пригожиннің өзі кеше шала бүлініп, табан астында тосын мәлімдеме жасаған еді. Пригожин аудиохабарлама арқылы:
"Біз күні бойы жүрдік. Мәскеуге 200 шақырым ғана қалған. Осы уақытқа дейін сарбаздарымыздың қаны төгілмеді. Қазір қан төгілуі мүмкін. Сондай сәт туды. Сондықтан барлық жауапкершілікті түсіне отырып, орыстардың қаны төгілуі мүмкін екенін ескере отырып, біз өз жасағымыздың бағытын кері бұрамыз. Жоспарға сай дала лагеріне табан тірейміз", - деген-тұғын.
Пригожинді жазалауға келгенде Путин құлықсыздық танытқандай. Кеше Отанына опасыздық жасады деп айыптаса, бүгін "жоқтауын асыруды" мақсат еткен. Песков Путиннің мұндай асқан "салқынқандылығы" жайында да өз етті. Ол Ресей басшысының жақын уақытта үндеу жасай қоймайтынын, ал бүлік оқиғасының "арнайы операцияға" еш әсер етпейтінін атап өтті. Журналистерге Пригожиннің "келешектегі бет алар бағытын" айқындап берді.
Пригожиннің жаңа бағыты Мәскеу емес, Минск.
Баспасөз хатшысының айтуынша, Пригожинге қатысты қылмыстық іс тоқтатылып, өзі Беларуське барады. Көтеріліске қатысқан сарбаздардың басқыншылық кезіндегі еңбегі ескеріліп, соған сай қудаланбайды, ал колоннаға қосылмаған жауынгерлердің бір бөлігі Қорғаныс министрлігімен келісімшарттарға қол қояды.
Жинақтай айтсақ, 24 маусымда Беларусь Президенті Александр Лукашенконың "Вагнер" коллонасын тоқтату үшін Пригожинді көндіргені мәлім болды. Келіссіөздің күні бойы жүргізілгені айтылады. Кешқұрым ресейлік ақпарат агенттіктері "Вагнер" жасағы жауынгерлері Ростовтағы Оңтүстік әскери округтің штаб-пәтерін тастап кете бастағанын растады.
"Адырна" ұлттық порталы
