Оқу-ағарту министрі Ғани Бейсембаев Үкімет кулуарында 15 млн теңгеге сатылып кеткен мектепке қатысты пікір білдірді, деп хабарлайды «Адырна» тілшісі.
Айтуынша, қазір бұл мәселе бақылауда.
«Мәселені қадағалауда ұстап отырмыз. Енді анықтаймыз. Бұған дейін сатылып кеткен дүниелер ғой. Оның себептерін анықтайтын боламыз. Қазіргі таңда бізде тіркеуде тұрған мектептердің барлығы тексеріліп жатыр. Мен ол туралы нақты ақпарат айта алмаймын. Бұл жағдайға байланысты біз республикадағы барлық мектепті тексеріп, ревизия жұмыстарын жүргізетін боламыз»,—деді басқарма басшысы.
Айта кетейік, бұған дейін Мәжіліс депутаты Мақсат Толықбай Алматы облысы Қарасай ауданы Шалқар ауылында 250 балаға арналған Ломоносов атындағы орта мектептің 15 млн теңгеге сатылып кеткенін мәлімдеген болатын.
