Өзбекстанның қазіргі басшысы Шавкат Мирзиеёв бұрынғы өкілеттігін жоққа шығарған референдумнан кейін қайтадан президент сайлауына кандидат болды, деп хабарлайды “Адырна” ұлттық порталы.
Өзбекстанда сайлау мерзімінен бұрын 9 шілдеде өтеді. Мирзиеевті Өзбекстанның Либералдық-демократиялық партиясы (UzLiDeP) ұсынды. Ол Мирзиеевті 2016 және 2021 жылдардағы президенттік сайлауға кандидат ретінде ұсынған.
«Барлық жетістіктер, сөзсіз, Шавкат Мирзиеевтің басшылығымен жүргізілген реформалардың нәтижесі» делінген партия мәлімдемесінде.
Еске салайық, 8 мамырда Өзбекстан кезектен тыс президент сайлауын өткізу туралы жарлыққа қол қойды.
30 сәуірде бұл елде конституциялық референдум өткен. Сарапшылар бұл реформалар ел президентінің өкілеттігін бес жылдан екі мерзімдік жеті жылға дейін ұзарту үшін өтті деп есептейді. Өзбекстан азаматтары осы түзетулерге дауыс берді деп хабарланған соң, Шавкат Мирзиеевтің бұған дейінгі президенттік мерзімі нөлге теңестірілді. Ол жоғары билікке 2016 жылы Ислам Каримов қайтыс болған соң, премьерліктен келген еді.
