Бибісараның қарсыласы Сергей Карякин әлемдегі ең мықты гроссмейстердің бірі. Қазіргі уақытта оның қоржынында 2 739 ұпай бар.
Қос мықтының қайшылыққа толы қызықты да мазмұны ойыны турдың сәнін келістіріп, мәнін арттырды. Бибісара бұған дейін сұхбаттарында осы турнирде Сергей Карякин және Теймур Раджабовпен ойнағысы келетінін бірнеше рет айтқан. Карякин өзінің жеңілгенін мойындап, Бибісарасың биік болмысына бас иді.
- Мен өте жақсы ойнайтын әлем чемпионынан ұтылдым, - деді Карякин ойыннан кейін.
Бұл жарыстың жүлде қоры 15 миллион рубль. Қазір мұнда әлемдегі ең мықты шахматшылар шеберлік байқасып жатыр. Олардың қатарында Бибісара Асаубаева, Сергей Карякин, Александр Грищук, Теймур Раджабов, Раунаку Садвани, Франсиско Вальехо, Владислав Артемьев, Екатерина Лагно және басқалары бар.
Шахматтың блиц түрінен жарыс 28 және 30 қаңтар күндері өтеді.
"Адырна" ұлттық порталы
