Шымкент қаласы әкімінің бірінші орынбасары болып Қуаныш Асылов тағайындалды

827

Шымкент қаласы әкімінің бірінші орынбасары болып Қуаныш Асылов тағайындалды, деп хабарлайды “Адырна” ұлттық порталы.

"Президент әкімшілігінің келісімі бойынша Қуаныш Жұмабекұлы Асылов Шымкент қаласы әкімінің бірінші орынбасары болып тағайындалды", - делінген хабарламада.

Шымкент әкімдігінің мәліметінше, тағайындалғанға дейін ол ҚР президенті әкімшілігінің мемлекеттік инспекторы қызметін атқарды.

Асылов Қуаныш Жұмабекұлы 1973 жылы 14 наурызда Алматыда дүниеге келген.

Әл-Фараби атындағы Қазақ ұлттық университеті Құқықтану ғылымдарының магистрі, Вашингтон Дюк университеті Сэнфорд мемлекеттік саясат мектебі Саясаттану ғылымдарының магистрі.

1995-2002 жылдары - Бизнес саласындағы басшылық лауазымдар.
2002-2006 жылдары - Мемлекеттік органдарда қызмет атқарған.
2006-2010 жылдары - ҚР Президентінің Іс басқармасында ресми іс-шаралары және сыртқы байланыстар секторының меңгерушісі.
2011-2013 жылдары - ҚР Есеп комитетінің қаржылық бұзушылықтарды зерттеу орталығының директоры.
2013-2014 жылдары - ҚР Білім және ғылым министрлігінің жастар істері жөніндегі комитетінің төрағасы.
2014-2017 жылдары - ҚР Мәдениет және спорт министрлігінің қоғамдық-саяси жұмыстар және тілдер саясаты комитетінің төрағасы.
2017-2018 жылдары - ҚР Президенті Әкімшілігі қоғамдық-саясат секторының меңгерушісі.
2018-2019 жылдары - ҚР Президенті Әкімшілігі аналитика орталығы меңгерушісінің бірінші орынбасары.
2019-2023 жылдары - ҚР Президенті Әкімшілігінің мемлекеттік инспекторы.

Қазақстан Кәсіпқой бокс федерациясының бірінші вице-президенті, ҚР Президентінің жанындағы Мемлекеттік басқару академиясының түлектері қауымдастығының президенті.

"Құрмет" орденінің кавалері, "Ерен еңбегі үшін", ҚР Ұлттық қауіпсіздік комитетінің "ҚР ҰҚК 25 жыл" мемлекеттік медальдарымен марапатталған.

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket