Қаладағы фармацевттердің сөзіне сенсек, қазіргі қолда бар аталмыш дәрінің қоры бірер аптаға ғана жетеді. Дегенман дәрі санының сиреуі оның қымбаттауына себеп болмаған дейді мамандар. Нарықтағы бағасы - 85 теңге.
- Бізге күніне, орта есеппен, 300-400 адам парацетамол іздеп келеді. Дәрі-дәрмек тапшылығы болатынын ердеден болжап, күзде көп мөлшерін алып қойған едік, - деді бұған қатысты маман Евгения Сенченко.
Ауа райының құбылуы да тұмау түрлерінің күш алып, дәрі-дәрмек жеткізілуінің жолын "бөгеген". Қазірдің өзінде Қызылжарда В санатындағы тұмауға шалдыққандар саны былтырғы жылмен салыстырғанда 7 есе артты. Олардың жалпы саны - 245 адам. Шошқа тұмауын жұқтырған 17, гонконг тұмауымен ауырған 4 науқас тіркелді.
Qazaqstan.tv арнасының хабарлауынша, қолайсыз ауа райына байланысты дәрі-дәрмектің кезекті партиясы Қызылжарға орталықтан дер кезінде жетпей қалған. Оның үстіне, тұмау өршеленіп, оны жұқтырғандар саны да артып отыр.
"Адырна" ұлттық порталы
