Атырауда төменгі сынып оқушылары қайтадан қашықтан оқиды

924
Adyrna.kz Telegram

"Қазгидромет" орталығының Атырау облысына қарасты филиалы мәлімдеме жасады. Облыстағы ауа райын болжау бөлімінің басшысы Аина Қазғұлованың айтуынша, арктикалық антициклон әсерінен өңірде алдағы 3 тәулік жауын-шашынсыз , бірақ саршұнақ аяз болады, деп хабарлайды "Адырна" ұлттық порталы. 

"Атырау облысында  ауа температурасы күндіз -18, -23 °C, түнде -22, -27 °C көрсетсе, солтүстіктен -26, -30 °C аяз болады, - деді Анна Қазғұлова.

Облыстық білім беру басқармасының басшысы Гүлнәр Сәдуақасованың ауа температурасының төмендеуіне байланысты облыс мектептеріндегі төменгі сыныптар қашықтан оқитынын мәлімдеді.

"10-11 қаңтарда жалпы орта білім беру ұйымдарындағы мектеп алды даярлық тобының тәрбиеленушілері және бастауыш сынып оқушылары қашықтықтан оқиды. 5-11-сынып оқушылары қалыпты жағдайда білім алады", - деді Гүлнәр Сәдуақасова.

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket