Жайдарлы жайдарман ойыны Арқаның кербез сұлу Көкшетауында өтті

1155
Adyrna.kz Telegram

Жайдарман – еліміздегі ең алғашқы жастар арасындағы әзілден құралған ойын түрі. Астары бар әзіл, саясаттың қыр-сырын күлкі арқылы жеткізу, әрбір адамның қолынан келе бермейді. Осындай талантты жастар қоғамға үлестерін қосып және жалпы жастар саясатындағы қозғалысты дамытып, еліміздің рухани байлығын кеңейтуде атсалысып жүрген жастар баршылық. 20 жылдан астам тарихымен талай жастарды биік шыңдарда көрсетіп жүрген бұл ойынның орны ерекше.

Осыған орай, Ақмола облысы әкімдігі және ішкі саясат басқармасының қолдауымен Ақмола облысы жастар-ресурстық орталығы «JAIDARMAN»  ашық әзіл-сықақ фестивалін ағымдағы жылдың 29 жұлдызында өткізді. Қызыққа толы жергілікті командалардан бөлек, ойынға еліміздің өзге қалаларының үздік жайдарманшылары қатысты. Атап айтсақ, елордамыз Астана, Семей және Петропавл қалаларынан келген үздік жайдарманшылар. Сондай-ақ, аталмыш шараға ҚР «Жайдарман» ойынының Президенті – Есентүгел Елеукен қатысып, өңірлік жайдарманшыларға қолдауын білдіріп, ойынның өте жоғары деңгейде өткені туралы тоқталып кетті.

«Жайдарман бұл – жастарды бір ортаға жинайтын ойын. Жас жайдарманшыларға айтарым, командаларыңызда ауыз біршілік, сыйластық болсын. Бір-бірлеріңізді түсіне білсеңіздер өте керемет команда боласыздар. Ең бастысы  дайындық... Қазіргі таңда еліміздің түкпір-түкпір жерлеріне барып, аталмыш ойынды тамашалап, тәнті боп келемін. Шыныда да небір талантты жастарымыз бар екеніне көзіп жетті. Осындай дарынды, сатираға қабілеті бар жас ұрпақты көтеруіміз керек» - деп өз сөзінде Есентүгел ағамыз тоқталып кеткен болатын.

Ойын қорытындысы бойынша І орын және  500 мың теңге көлеміндегі ақшалай сертификатпен, кубокпен Астана қаласы, Еуразия Ұлттық университетінің «Элита» құрамасы қанжығасына байлады. ІІ орын және 250 мың теңге көлеміндегі ақшалай сертификатпен  Қосшы қаласы, «Қосшы» құрамасы және  Семей қаласынан «Қарағайлы 34» командасы ие болды. Ал ІІІ орын жүлдегерлері атағына ие болғандар және 150 мың теңге көлеміндегі ақшалай сертификатпен Көкшетау қаласының Ж. Мусин атындағы жоғары қазақ педагогикалық колледжі, «Есте қалсақ» және Семей қаласының «Қыздар емес» құрамасы марапатталды. «Үздік әзіл» номинациясын «Шоқан» құрамасы иеленсе, «Үздік ойыншы» номинациясын – «Элита» құрамасының ойыншысы Наурыз Сапаровқа бұйырды. Әр номинация жүлдегерлеріне 50 мың теңгелік сертификаттар табысталды.

Жайдарман сүйер жанкүйерлер залға лық толы отырғанымен көңілдері жай боп, керемет әсер алып, ойынды сағынғандары көрініп тұрды. Әрбір көрермен өз сүйген командаларына шынайы шапалақ ұрып, қолдау көрсетіп отырды. 

"Адырна" ұлттық порталы 

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket