Атырау жұртшылығымен кездесу өткізген Қасым-Жомарт Тоқаев жастарға энергетикалық сусын сатуға тыйым салу мәселесін қарастыруды тапсырды. Сонымен қатар оқушылардың электронды темекіге әуестігі туралы да айтып өтті, деп хабарлайды “Адырна” ұлттық порталы.
«Қазір ересектердің ермегіне айналған электронды темекіге оқушылар да әуестеніп барады. Мұндай темекіні балалар дүкеннен еш кедергісіз сатып алады. Бұл – қауіпті жағдай. Қоғамда энергетикалық сусындарды жастарға сатуға тыйым салу қажеттігі жиі айтылады. Үкімет бұл мәселені мұқият зерделеп, нақты шешім қабылдауы керек», - деді ол.
