Ресейдің Краснодар қаласындағы тұрғын үй алаңдарының бірінде жасөспірімдер электр самокатымен ескі әткеншекті айналдырып, нәтижесінде бір бала мертікті, деп хабарлайды "Адырна" ұлттық порталы.
Краснодар қаласының тұрғыны электрлі құрылғыны әткеншек дөңгелегімен айналдырып, ермек қумақ болған. Ақырында қатты айналған әткеншектің әсерінен баланың басы айналып, буыны қалтырап, ауруханаға жеткізілді.
Оқыс оқиға "Перспектива" тұрғын үй кешенінің балаларға арналған алаңқайында болған. Бейнекадрлардан электросамокат дөңгелектерімен жасөспірімдердің әткеншекті айналдарып жатқанын көруге болады. Жергілікті тұрғындардың айтуынша, жеткіншектердің "жанкешті" әрекеті бірінші рет болып отырған жоқ.
"Қаңсыған темір әткеншектен тағы бір бала мертікті. Бұл жердегі үлкендердің ескертуіне ешкім құлақ аспайды, бәрі бетімен кеткен. Балаларыңызға ие болыңыздаршы", - дейді аула тұрғындары.
"Адырна" ұлттық порталы
