Павлодарда 15 жастағы оқушы 14-қабаттан құлап кетті

1568
Adyrna.kz Telegram

Павлодар қаласында 15 жастағы оқушы көпқабатты тұрғын үйдің 14-қабатынан құлап кетті, деп жазады "Адырна" ұлттық порталы. 

Павлодар облысы полиция департаментінің хабарлауынша, қайғылы оқиға 25 қыркүйекте орын алған.

"25 қыркүйекте Павлодар полициясына 18:00 мен 19:00 аралығында Назарбаев даңғылы №50 үйдің 14-қабатынан 2007 жылы туған жасөспірім құлап кеткені туралы хабар түсті. Жасөспірім алған жарақатынан оқиға орнында көз жұмды", - делінген ресми хабарламада. 

Аталған дерек бойынша тиісті тергеу амалдары жүргізіліп жатыр. Сараптамалар тағайындалды. Оқиғаның мән-жайы мен себептері анықталып жатыр.

"Адырна" ұлттық порталы 

Пікірлер