Қазақстанның еңбек сіңірген әртісі Тамара Қосубаева қайтыс болды

737

Қазақстанның еңбек сіңірген әртісі Тамара Қосубаева 95 жасында қайтыс болды, деп хабарлайды “Адырна” ұлттық порталы. 

Сахнада Баян сұлу бейнесін тамаша сомдай білген оны «нағыз қазақ аруы» атады. Одан кейін актриса Абдулла Қарсақбаевтың «Балалық шаққа саяхат» фильмінің басты кейіпкерінің анасы, құрбандық шалған дана Әспетпен танылды. Кейінірек жасы ұлғайған рөлдерді сомдай отырып, Тамара Өкіметқызы өз көрермендері үшін мейірімді «халық әжесіне» айнала білді.

“Кино менің өмірім, ал актерлік өнер - кәсіп емес, емі жоқ дерт. Соған еріп кетесің. Қазірдің өзінде мен біздің кезімізде романтизмге, оқиғаларға, тамаша көңіл-күуге толы сахнаны, рөлдерді, гастрольдерді қатты сағынамын. Театр сахнасынан зейнеткерлікке шыққандағы сол бір ащы сәт есімде, бірақ одан кейін түсірілімдер, дубляждар, радиолар болды. Сүйікті ісіммен айналыстым. Ал енді менің басты қуанышым, менің балаларым, немерелерім, шөберелерім өмір сүруге ынталандырады», деген еді бір сөзінде.

Адырна” ұлттық порталының ұжымы Тамара Қосубаеваның барлық туған-туыстары мен жақындарына қайғыларына ортақтасып, көңіл айтады.

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket