Далаға кеткен гектар: 3 миллион гектар жер заңсыз берілген

2476
Adyrna.kz Telegram

Қазақстанда 3 миллион гектар жайылым заңсыз берілген. Бұл туралы Бас прокуратура мәлімдеді, - деп хабарлайды "Адырна" порталы. 

Ведомствоның мәліметінше, тек соңғы үш жылда прокурорлар 18 миллион гектар бос және үш миллион гектар заңсыз бөлінген жайылымдық жерлерді анықтап, оның бес миллионы мемлекетке қайтарылып, төрт миллион гектары айналымға енгізілген.

"Жұмыс нәтижесі жерді игеруге мүмкіндігі жоқ адамдар жердің жасанды тапшылығын туғызатынын көрсетті. Осы себепті адал шаруалар мен ауыл тұрғындары жайылымдық жерлерді пайдалану мүмкіндігінен айырылып, ақырында олардың деградациясына әкеліп соғады», - деп хабарлады Бас прокуратура.

Бүгінгі күні елде 15 миллион гектарға жуық қоғамдық жайылымдардың жетіспейтіні анықталды, бұл жеке қосалқы шаруашылықтар үшін мал жаюда қиындықтар туғызады.

"Ағымдағы жылы жағдайды жақсарту үшін Ауыл шаруашылығы министрлігімен бірлесіп мемлекетке қосымша бес миллион гектар жерді қайтару жоспарлануда. Біздің жергілікті шаралар негізінде әкімдіктер мемлекеттік жайылымдарды басқару жоспарларын бекітті. Бұл жайылымдық жерлерді көшіруге жол бермейді. Ауылдық елді мекендер маңындағы жер учаскелері жеке тұлғаларға беріледі», - делінген ведомство хабарламасында.

Еске салайық, сәуір айында Қазақстан мемлекетке қайтарылған пайдаланылмай жатқан ауыл шаруашылығы жерлерін төрт есеге ұлғайтуды жоспарлап отырғаны хабарланған болатын.

Пікірлер