Қазақстан мен Түркия басшылары телефонмен байланысып, бірін-бірі Ораза айт мерекесімен құттықтап, бауырлас екі халыққа амандық, бақ-береке және табыс тіледі, деп хабарлайды "Адырна" ұлттық порталы.
Президенттер сондай-ақ сауда-экономикалық, инвестициялық және мәдени-гуманитарлық ынтымақтастықты одан әрі нығайтуға баса назар аудара отырып, Қазақстан-Түркия стратегиялық серіктестігінің даму перспективаларын талқылады.
Президент Ердоған Президент Тоқаевтың Түркияға 10-11 мамырға жоспарланған мемлекеттік сапары елдер арасындағы жан-жақты стратегиялық әріптестікті кеңейтудегі маңызды кезең болатынын айтты. Қасым-Жомарт Тоқаев Анкарада өтетін келіссөздерге осындай көзқараспен келісті.
Қазақстан Президенті Түркі мемлекеттері ұйымының экономикалық, гуманитарлық және мәдени байланыстарды кеңейтудегі маңызды рөлін атап өтті.
"Адырна" ұлттық порталы
