Алматы облысының орталығында 29 наурыз күні, сағат 16:00 шамасында қатты жел тұрды. Арты нөсер жаңбырға ұласқан табиғи құбылыстың нәтижесінде ғимараттардың шатырларының бұзылуы, ағаштардың құлауы, электр сымдары желісінің үзілуі және т. б. фактілері тіркелді. Бұл туралы
«Jetisy Media» алаңында өткен баспасөз мәслихатында Алматы облысы ТЖД өкілі мәлімдеді, деп хабарлайды “Адырна” ұлттық порталы.
Өткен жойқын дауылдан өңірдегі 10-көппәтерлі тұрғын үй, 21 - білім беру нысаны, 2 - сауда объектісі, 5 - өндірістік нысан, 10 – әкімшілік ғимарат, 11 - ТЖБ, 1 - діни объект, 2 - денсаулық сақтау мекемесі, 1-МҰ объектісі, 1-ауыл шаруашылығы объектісі, 2- қызмет көрсету нысанына залал келді. Сондай-ақ, жалпы ауданы 15408,5 ш.м. 66 шатырдың жабыны ұшып түсті. Қолайсыз ауа-райының салдарынан 3 автокөлік зардап шексе, Еңбекшіқазақ ауданында 1 адам жарақат алды.
Кенеттен орын алған табиғи құбылыстың кесірінен 83 елді мекендегі электр энергиясы ажыратылған. Бүгінде 76 елді мекенде электр энергиясы қалпына келтірілді. Қалған 7 елді мекенде (1651 абонент электр энергиясынсыз қалады) авариялық бригадалар жөндеу-қалпына келтіру жұмыстарын жүргізеді. Олар:
–Талдықорған қ. (2 учаске) - Үйтас, Пригородное (470 абонент)
- Алакөл ауданы (1 учаске) – Бескөл ауылы (291 абонент)
- Текелі қ. (1 учаске) – ш / а. Маталлург (60 абонент)
- Кербұлақ ауданы (3 учаске) – Шанханай ауылы, Қызылмектеп ауылы, Шаған ауылы (830 абонент). Күн ішінде Электрмен жабдықтау қалпына келтіріледі.
«Ауа-райының нашарлауына байланысты (қатты жел) 29.03.2022 жылы Алматы облысы ТЖД-да табиғи сипаттағы төтенше жағдайларға жедел әрекет ету үшін жедел штаб құрылды. Штаб облыстық Азаматтық қорғау қызметтерімен тығыз өзара іс-қимыл орнатты. Қатты желдің салдарын жою бойынша барлық хабарламалар ТЖД және ЖАО күшімен дереу пысықталды», - деді Төтенше жағдайларды жою басқармасының бастығы, Азаматтық қорғау майоры Ринат Карандашев.
Айта кетейік, облыс орталығындағы залал келтірілген нысандары шаһар басшысы Әсет Масабаев аралап, қалпына келтіру жұмыстарын ерекше бақылауына алды.
”Адырна” ұлттық порталы
