Шымкентте тұтқын жұмбақ жағдайда қайтыс болды

1585

Шымкентте педофилдік қылмысы үшін сотталған ер адам түзеу мекемесінің қабырғасында қаза тапты, деп хабарлайды "Адырна" сайты.

Оқиға ИЧ-167/2 барынша қауіпсіздік мекемесінде болған. Марқұм сол жерде ауыр қылмыс – кәмелетке толмаған баланы зорлағаны үшін жазасын өтеп жатқан.

Алдын ала мәлімет бойынша, сотталушы құлағаннан кейін ауыр жарақат алған. Ол ауруханаға жатқызылып, шұғыл ота жасалған. Бірақ дәрігерлер тұтқынды аман алып қала алмады. Қазір прокуратура тексеріп жатыр.

Қадағалау органы оқиғаның мән-жайын жарияламады. Тергеудің объективтілігі үшін іске жергілікті адам құқығын қорғау ұйымдары қосылды. Қылмыстық атқару жүйесі департаментінде де тексеру тағайындалды.

"Адырна" ұлттық порталы

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket