Ресейдің ЖОО-лары «Болашақ» тізіміне қосылды

1424

Ресейдің жетекші техникалық университеттері «Болашақ» бағдарламасы бойынша оқытатын шетелдік жоғары оқу орындарының тізіміне енді. Осылайша, Білім және ғылым министрлігі Президенттің тапсырмасын орындау бойынша тиісті жұмыстарды атқарып жатыр, деп хабарлайды «Адырна» тілшісі БҒМ басасөз қызметіне сілтеме жасап.

Тізімге барлығы 27 елден 200-ден астам университет енгізілген. Енді техникалық бағыттағы мамандарды даярлайтын тізімге ресейлік ЖОО-лардан Н.Е.Бауман атындағы Мәскеу мемлекеттік техникалық университеті, «MИФИ» Ұлттық зерттеу ядролық университеті, М.В.Ломоносов атындағы Мәскеу мемлекеттік университеті, Санкт-Петербург мемлекеттік университеті және Мәскеу физика-техникалық институты енді.

Сондай-ақ министрлік қазіргі уақытта «МИСиС» Ұлттық зерттеу техникалық университетін және ИТМО Ұлттық зерттеу университетін тізімге енгізу бойынша жұмыс жүргізіп жатыр.

«Болашақ» алдағы уақытта ауқымын басқа елдермен және университеттермен кеңейтетінін атап өткен жөн.

«Жалпы алғанда тізімде әлемнің 30-ға жуық мемлекетінің 200-ден астам үздік университеті бар. Қазақстандықтарға мемлекетпен қатар жоғары оқу орнын таңдаудың үлкен мүмкіндігі ұсынылып отыр. Біз тек өткен жылы ғана тағы төрт мемлекетті қосып, бағдарлама ауқымын кеңейттік. Олардың ішінде Австрия, Чехия, Ирландия мен Оңтүстік Африка бар. Сондай-ақ «Болашақ» бағдарламасы бойынша Гарвард университетіне, Массачусетс технологиялық институтына, Оксфорд университетіне немесе Принстон университеті және тағы басқаларына оқуға түсу мүмкіндіктері бұрынғыдай қала береді. Әлемнің 200-ден астам ЖОО-сы бар тізім Ресейдің үздік жоғары оқу орындарымен тағы толыққаны біздің түлектерге университет таңдау мүмкіндігін одан әрі ұлғайтып, техникалық бағыттар бойынша білім алудың қолжетімділігін арттырады. Бұдан бөлек біз техникалық бағыттағы мамандықтарға басымдық беріп отырмыз», – деді Білім және ғылым вице-министрі Қуаныш Ерғалиев.

«Адырна» ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket