الماتى اكىمى ەربولات دوساەۆتىڭ قىزمەتىنىڭ تيىمدىلىگىنە پرەزيدەنت اكىمشىلىگى ساراپتاما جۇرگىزەدى. بۇل تۋرالى پرەزيدەنتتىڭ ءباسپاسوز حاتشىسى رۋسلان جەلدىباي ايتتى، دەپ حابارلايدى «ادىرنا» ءتىلشىسى.
ول مەملەكەت باسشىسى قاسىم-جومارت توقاەۆتىڭ 28-29 ناۋرىزدا الماتىعا جاساعان جۇمىس ساپارى بارىسىندا اكىمگە قالانى جان-جاقتى دامىتۋعا قاتىستى تاپسىرما بەرگەنىن اتاپ ءوتتى.
«قالا اكىمدىگى ناقتى ءىس-شارالار جوسپارىن ازىرلەدى. مەملەكەت باسشىسىنىڭ تاپسىرماسىن ورىنداۋ جونىندەگى ەسەپ بەكىتىلگەن ءتارتىپ بويىنشا دايىندالىپ، مەرزىمىندە ۇسىنىلىپ وتىر. اكىم قىزمەتىنىڭ تيىمدىلىگىنە پرەزيدەنت اكىمشىلىگى ساراپتاما جۇرگىزەدى. اتقارىلعان جۇمىستاردىڭ ناقتى ناتيجەلەرى بويىنشا الماتى قالاسى اكىمدىگى اقپاراتتاندىرىپ وتىرادى»،—دەپ ءتۇسىندىردى رۋسلان جەلدىباي.
