اقش پرەزيدەنتى دونالد ترامپ Trump International گولف كلۋبىندا ءوزىنىڭ قۇرمەتىنە ورناتىلعان ەسكەرتكىشتى اشتى. بۇل تۋرالى ح الەۋمەتتىك جەلىسىندە كاسىپكەر، نيۋ-يورك شتاتىنىڭ 21-ءشى سايلاۋ وكرۋگىنەن كونگرەسكە ۇمىتكەر ەنتوني كونستانتينو جازدى، دەپ حابارلايدى «ادىرنا» ءتىلشىسى.
بيزنەسمەن جەلىدەگى پاراقشاسىندا پرەزيدەنتكە ەرەكشە سىيلىق تابىستاعانىن مالىمدەدى.
«باعىنباۋ ەسكەرتكىشى» — Trump International كلۋبى ءۇشىن شوقتىعى بيىك ەسكەرتكىش.كەلۋشىلەر بۇل ءمۇسىندى بىردەن بايقايدى، ول مەكەمەنىڭ كورنەكتى جەرىندە تۇر. پرەزيدەنت ءمۇسىندى جاقسى قابىلدادى»، — دەدى ەنتوني كونستانتينو.
ەسكە سالايىق، دونالد ترامپ 2017-2021 جىلدارى اقش-تىڭ 45-ءشى پرەزيدەنتى مىندەتىن اتقارعان ەدى. ول 2025 جىلدىڭ 20 قاڭتارىندا اقش-تىڭ 47-ءشى پرەزيدەنتى بولىپ قايتا سايلاندى. ترامپ ءوزى جەڭىسكە جەتكەن پرەزيدەنت سايلاۋىن «ەل تاريحىنداعى ۇل كۇن» دەپ اتادى.
«اقش-تىڭ التىن عاسىرى ءدال قازىر باستالدى. بۇگىننەن باستاپ ءبىز گۇلدەنەمىز، بارلىق ەل بىزگە قىزعانا قارايتىن بولادى»،–دەدى ول پرەزيدەنت رەتىندە سويلەگەن سوزىندە.
ال ناۋرىز ايىندا مەملەكەت باسشىسى كونستيتۋتسيالىق شەكتەۋلەر ءۇشىنشى رەت سايلانۋعا كەدەرگى كەلتىرسە دە، ءۇشىنشى مەرزىمگە پرەزيدەنت بولۋدىڭ جولدارىن ىزدەستىرىپ جاتقانىن مالىمدەدى.
ايتا كەتەيىك، كوزى تىرىسىندە ەسكەرتكىشى ورناتىلعان پرەزيدەنتتەر قاتارىندا قازاقستاننىڭ تۇڭعىش پرەزيدەنتى نۇرسۇلتان نازارباەۆ پەن تۇرىكمەنستاننىڭ ەكس-باسشىسى ساپارمۇرات نيازوۆ بار.
