بۇگىن ءماجىلىس دەپۋتاتتارى پالاتانىڭ پلەنارلىق وتىرىسىندا جاڭا سالىق كودەكسىنىڭ جوباسىن ءبىرىنشى وقىلىمدا ماقۇلدادى، دەپ حابارلايدى "ادىرنا" ۇلتتىق پورتالى.
سالىق كودەكسى جوباسىندا سالىقتار مەن باسقا دا مىندەتتى تولەمدەر سانى، سونداي-اق سالىقتىق جەڭىلدىكتەردى قىسقارتۋ قاراستىرىلعان.
بانكتىك سەكتور ءۇشىن كورپوراتيۆتىك تابىس سالىعىنىڭ ستاۆكاسى 25%، ويىن بيزنەسى ءۇشىن – 25%، الەۋمەتتىك سالا ءۇشىن – 10%، وڭدەۋ ونەركاسىبى ءۇشىن – 10%، اۋىل شارۋاشىلىعى ءۇشىن – 3% بولادى.
نەگىزگى ستاۆكا 20% دەڭگەيىندە قالادى.
قازىرگى ارنايى سالىق رەجيمدەرى ءوزىن-ءوزى جۇمىسپەن قامتۋشىلار ءۇشىن، قاراپايىم دەكلاراتسيا نەگىزىندە جانە شارۋا نەمەسە فەرمەرلىك شارۋاشىلىقتار ءۇشىن دەپ ۇشكە قىسقارتىلاتىن بولادى.
جەكە تۇلعالارعا سالىق سالۋ بولىگىندە بىرەگەي جيناقتاۋشى زەينەتاقى قورىنان الىناتىن زەينەتاقى تولەمدەرىنەن جەكە تابىس سالىعىن الىپ تاستاۋ ۇسىنىلادى. سونداي-اق، رەسپۋبليكالىق بيۋدجەت تۋرالى زاڭدا بەلگىلەنگەن 30 اەك مولشەرىندە جالاقىدان نەگىزگى سالىقتىق شەگەرىم ەنگىزۋ قاراستىرىلعان.
سونىمەن قاتار، باعالى قاعازدارمەن جاسالاتىن وپەراتسيالاردان جەكە تۇلعالاردىڭ تابىستارىن سالىق سالۋ ءتارتىبى قايتا قارالىپ، 10 جىلدان اسقان اۆتوكولىكتەرگە سالىق سوماسى 30%، 20 جىلدان اسقان كولىكتەرگە 50% تومەندەتىلۋى ۇسىنىلادى.
