بالپىق بي اۋىلىنداعى قادىرعالي جالايىري اتىنداعى مەكتەبىنە 400-گە جۋىق كىتاپ سىيعا تارتىلدى. سىيلىقتى تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى «بۋككروسسينگ» اكتسياسى بويىنشا جينادى.
اكتسيا تاۋەلسىزدىك كۇنى قارساڭىندا باستالدى. كىتاپ جيناعىنا ءار ءتۇرلى جانرداعى كوركەم، عىلىمي، بالالار ادەبيەتى كىرەدى. ءۇش تىلدە ەنتسيكلوپەديالار، سونداي-اق قازىرگى قازاقستاندىق جانە شەتەلدىك اۆتورلاردىڭ شىعارمالارى بار. اكتسيانى ۇيىمداستىرۋشىلار مەن قاتىسۋشىلار جاڭا كىتاپتار وقۋ مادەنيەتىن قالىپتاستىرۋعا جانە اۋىل جاستارىنا پايدالى بولاتىنىنا سەنىمدى.
بىزدىڭ كىتاپ قورى سىزدەردىڭ «بۋككروسسينگ» اكتسياسى ارقاسىندا تولىقتىرىلدى. كىتاپ وقۋ - زاماناۋي باسەكەگە قابىلەتتى تۇلعانى قالىپتاستىرادى دەپ سانايمىز. وسى اكتسيانى قولداعانداردىڭ بارلىعىنا العىسىمىزدى بىلدىرەمىز. ءبىز جاڭا كىتاپتار بالالاردىڭ نازارىن اۋدارادى جانە ۇلكەن قىزىعۋشىلىقپەن وقيدى دەپ سەنەمىز، — دەيدى اۋىل مەكتەبىنىڭ كىتاپحاناشىسى جادىرا ساماجانوۆا.
كەزدەسۋ بارىسىندا وقۋشىلار ءۇشىن اكتيۆيتي وتكىزىلدى. بالالار جاڭا كىتاپتارمەن تانىسىپ، NIS وقۋشىلارىمەن بىرلەسكەن ءىس-شارالار تۋرالى يدەيالارىمەن ءبولىستى.
بۇل ءبىز ءۇشىن كەرەمەت مۇمكىندىك، - دەدى قادىرعالي جالايىري اتىنداعى مەكتەپتىڭ 8 - سىنىپ وقۋشىسى داميرا قاسىمبەكوۆا. — مەن كوپتەن بەرى وقىعىم كەلگەن بىرنەشە كىتاپتى تاپتىم، ەندى وسىلاردى دەمالىستا وقۋعا مۇمكىندىگىم بار!
ۇيىمداستىرۋشىلاردىڭ ويىنشا مۇنداي باستامالار جاستار اراسىندا وقۋ مادەنيەتىن دامىتۋعا جانە قالا مەن اۋىل اراسىنداعى بايلانىستى نىعايتۋعا ىقپال ەتەدى.
