بەلگىلى قازاقستاندىق ۆيولونچەليست بولات تىنىبەكوۆ 40 جاسىنا قاراعان شاعىندا ومىردەن ءوتتى. قايعىلى حاباردى ونەر يەسىنىڭ تۋىستارى جەتكىزدى، دەپ حابارلايدى «ادىرنا» ءتىلشىسى.
«مەنىڭ اعام، بەلگىلى ۆيولونچەليست بولات تىنىبەكوۆ قايتىس بولدى. سوڭعى كەزدەرى ءبىر-ءبىرىمىزدى سيرەك كورسەك تە، ونىڭ تالانتىنا ءتانتى بولىپ، شامام كەلگەنشە قولداپ جۇرگەن ەدىم»،—دەدى مارقۇمنىڭ قارىنداسى ايجان تۇگەلباەۆا.
بولات تىنىبەكوۆ قاراعاندى قالاسىندا 1985 جىلعى 24 شىلدەدە دۇنيەگە كەلگەن. كۇلاش بايسەيىتوۆا اتىنداعى دارىندى بالالارعا ارنالعان رەسپۋبليكالىق ورتا مامانداندىرىلعان مۋزىكالىق مەكتەبىن بىتىرگەن.
"بولاشاق" باعدارلاماسىنىڭ تۇلەگى، لوندونداعى كورولدىك مۋزىكا كوللەدجىندە پروفەسسور ا.بويارسكيدىڭ سىنىبىندا ءبىلىم العان. الماتى قالاسىندا مۋزىكالىق مەكتەپتە ساباق بەردى.
