قر پرەزيدەنتى قاسىم-جومارت توقاەۆ رەسەي فەدەراتسياسىنىڭ پرەزيدەنتى ۆلاديمير ءپۋتيننىڭ شاقىرۋىمەن بريكس-كە مۇشە مەملەكەتتەر باسشىلارىنىڭ XVI سامميتىنە قاتىسۋ ءۇشىن قازان قالاسىنا جۇمىس ساپارىمەن باردى، دەپ حابارلايدى "ادىرنا" ۇلتتىق پورتالى اقورداعا سىلتەپ.
ساپار اياسىندا قازاقستان پرەزيدەنتى ەكىجاقتى كەزدەسۋلەر وتكىزىپ، بريكس-ءتىڭ «اۋتريچ»/«بريكس+» فورماتىنداعى پلەنارلىق وتىرىسىندا ءسوز سويلەيدى.
ەسكە سالساق، 22-24 قازان كۇندەرى تاتارستان استاناسىندا بريكس ءسامميتى وتەدى. شاراعا قاتىسۋ ءۇشىن قالاعا ءۇندىستان پرەمەر-ءمينيسترى نارەندرا مودي مەن قحر توراعاسى سي تسزينپين تاتارستانعا كەلدى. بۇدان بولەك وڭتۇستىك افريكا پرەزيدەنتى سيريل رامافوسا، ەفيوپيا پرەمەر ابي احمەد، برازيليا سىرتقى ىستەر ءمينيسترى ماۋرو ۆيەيرا باستاعان دەلەگاتسيا جانە مىسىر پرەزيدەنتى ابدەل فاتتاح اس-سيسي دە ات باسىن قازانعا بۇرعان.
