ساۋد ارابياسىندا وتكەن IChO - 2024 حيميا وليمپياداسى ءوز مارەسىنە جەتتى. ەلىمىزدەن بارعان وقۋشىلاردىڭ بارلىعى دا جۇلدەلى ورىنداردى يەلەندى، دەپ حابارلايدى «ادىرنا» ءتىلشىسى «دارىن» رعپو-عا سىلتەمە جاساپ.
International Chemistry Olympiad دۇنيەجۇزىلىك ەڭ بەدەلدى توپ-7 وليمپيادالاردىڭ قاتارىنا كىرەدى. بيىل قازاقستاندىق جاس حيميكتەر قوس التىن، ءبىر كۇمىس جانە ءبىر قولا مەدال يەلەنىپ، 100% ناتيجە كورسەتتى. اتاپ ايتساق:
رينات يليۋسيزوۆ — پاۆلودار قالاسىنىڭ دارىندى بالالارعا ارنالعان № 8 ليتسەي-مەكتەبىنىڭ 11-سىنىپ وقۋشىسى (1-ورىن);
كيريلل كيم — استانا قالاسىنداعى فيزيكا-ماتەماتيكا باعىتىنداعى نزم 11-سىنىپ وقۋشىسى (1-ورىن);
ابىلاي كابدۋلحادىر — استانا قالاسىنداعى فيزيكا-ماتەماتيكا باعىتىنداعى نزم 11-سىنىپ وقۋشىسى (2-ورىن);
ءادىلجان مولداعۇل —اقتاۋ قالاسى، «ءبىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى (3-ورىن).
قازاقستان قۇراما كومانداسىنىڭ جەتەكشىلەرى ازامات جاقسىلىقوۆ پەن سانجار بەگدايىر — رەسپۋبليكالىق، حالىقارالىق وليمپيادالاردىڭ بىرنەشە دۇركىن جەڭىمپازدارى.
ايتا كەتەيىك، حالىقارالىق ءىرى وليمپيادالاردا جەڭىسكە جەتكەن وقۋشىلارعا ەلىمىزدىڭ جوعارى وقۋ ورىندارىنا كونكۋرستان تىس گرانتپەن وقۋعا تۇسۋگە مۇمكىندىك بەرىلەدى. سونداي-اق اقشالاي سىياقى تابىستالادى. التىن مەدال ءۇشىن 1500 اەك (5 538 000 تەڭگە), كۇمىس مەدال ءۇشىن 1000 اەك (3 692 000 تەڭگە), قولا مەدال ءۇشىن 500 اەك (1 846 000 تەڭگە) تولەنەدى جانە وقۋشىلاردى دايىنداعان تالىمگەرلەرگە دە ماراپات قاراستىرىلعان.
