الەۋمەتتىك جەلىدە بەلگىلى ءانشى ديماش قۇدايبەرگەننىڭ «Singer 2024» ءان بايقاۋىنىڭ فينالى كەزىندە ايتقان ءسوزى قىزۋ تالقىلانىپ جاتىر، دەپ حابارلايدى «ادىرنا» ءتىلشىسى.
ونەر يەسىنىڭ ەكىنشى كەزەڭدە كانادالىق ءانشى فاۋزياعا سىبىرلاپ سويلەگەن ءسوزى تىكەلەي ەفيردە كورەرمەندەرگە ەستىلىپ قالعان.
«ولار سەنىڭ الدىڭدا قىتايلىق تۇرۋى كەرەك»،—دەيدى ديماش ارۋعا.
بايقاۋ قورىتىندىسى بويىنشا قىتايلىق نا ين جەڭىمپاز اتاندى. ال كانادالىق ءانشى جەڭىمپازدار قاتارىنا كىرە المادى.
قازىرگى تاڭدا «Singer 2024 كورەرمەندەرى بايقاۋدىڭ ادىلەتسىز وتكەنىن ايتىپ، ۇيىمداستىرۋشىلاردى سىنعا الىپ جاتىر. ولار باس جۇلدەنىڭ كىمگە بۇيىرارى الدىن الا شەشىلىپ قويعان دەگەن پىكىردى العا تارتۋدا.
1 كۇن وتكەن سوڭ ديماش قۇدايبەرگەن weibo پاراقشاسىندا بەينەجازباعا قاتىستى تۇسىنىكتەمە بەردى. ايتۋىنشا، فاۋزيا بىرگە ونەر كورسەتۋگە قولقا سالعان. الايدا ۇيىمداستىرۋشىلار وعان قىتاي ءانشىسى بولۋى كەرەك دەپ ايتقان.
ەسكە سالايىق، 26 شىلدەدە ديماش قۇدايبەرگەن قىتايدا وتكەن «Singer 2024» جوباسىنىڭ فينالىندا ارنايى قوناق رەتىندە ونەر كورسەتتى. ول جوبانىڭ اقتىق باسەكەسىندە شانتە توررەين مۋرمەن بىرگە Lose Control ءانىن شىرقادى.
