جامبىل وبلىسى مەركى اۋدانىندا اعىمداعى جىلى پايدالانۋسىز جاتقان 10 مىڭ گەكتار جەر مەملەكەت مەنشىگىنە قايتارىلادى دەپ جوسپارلانعان.
جىل باسىنان بەرى جالپى اۋدانى 4885 گەكتار، ونىڭ ىشىندە 616 گەكتار جايىلىم، 4269 گەكتار ءتالىمدى ەگىستىك جەرلەر مەملەكەتتىك جەر قورىنا قايتارىلدى.
اتاپ ايتقاندا، اقەرمەن اۋىلدىق وكرۋگىندەگى «مەركى» اسىل تۇقىمدى زاۋىتى اق-نىڭ پايدالانىلماي جاتقان اۋدانى 3910 گەكتار ەگىستىك جەرى جامبىل وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ 2023 جىلعى 05 ساۋىردەگى شەشىمىمەن جانە جامبىل وبلىستىق سوتىنىڭ ازاماتتىق ىستەر جونىندەگى سوت القاسىنىڭ 2023 جىلعى 05 ماۋسىمداعى قاۋلىسىمەن جەر قورىنا قايتارۋ تۋرالى تالابىقاناعاتتاندىرىلدى.
جامبىل وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ 2023 جىلعى 12 ماۋسىمداعى ۇيعارىمىنا سايكەس، «SmartAgroKarkara» جشس-ءنىڭ ءىسى بويىنشا، ءۇش جاقتى كەلىسىم راسىمدەرى جۇرگىزىلىپ، كەڭەس اۋىلدىق وكرۋگىنىڭ اۋماعىنان جالپى اۋدانى 265 گەكتار ەگىستىك جەر تەلىمدەرىن ءوز ەركىمەن اۋداندىق جەر قورىنا قايتارۋعا بىتىمگەرشىلىك كەلىسىم بەكىتىلدى.
سونىمەن قاتار، ت.رىسقۇلوۆ اۋىلدىق وكرۋگى تۇرعىندارىنىڭ تاراپىنان تۇسكەن ارىزدارىنا بايلانىستى جامبىل وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ 2023 جىلعى 17 قاڭتارداعى ۇيعارىمىنا سايكەس، اۋدانى 15 گەكتار ەگىستىك جەر سوت تارتىبىمەن قايتارىلىپ، ەلدى مەكەننىڭ ورتاق پايدالانۋداعى جەرى بولىپ بەلگىلەندى.
