Mاسساچۋسەتس ۋنيۆەرسيتەتىنە قالاي تۇسۋگە بولادى، گارۆاردقا تۇسۋگە قويىلاتىن تالاپتار، روبوتوتەحنيكا سالاسى ماماندىق تاڭداۋداعى اسەرى، امەريكاندىق مۇناي كومپانياسىندا جۇمىس تاجىريبەسى – بۇل تۋرالى تالدىقورعان قالاسىنداعى نازارباەۆ زياتكەرلىك مەكتەبىنىڭ تۇلەكتەرى سامعاۋ فورۋمىندا ءسوز قوزعادى.
الما-ماتەر قابىرعاسىندا العاش رەت تۇلەكتەردىڭ فورۋمى ءوتتى، ونىڭ نەگىزگى ماقساتى نازارباەۆ زياتكەرلىك مەكتەپ تۇلەكتەرىنىڭ وقۋشىلارعا كاسىپتىك باعدار بەرۋىن قولداۋ بولىپ تابىلادى.
تۇلەكتەر مەن وقۋشىلار اراسىنداعى بىرەگەي ديالوگ الاڭى NIS تۇلەكتەر قاۋىمداستىعىنىڭ باستاماسىمەن 300-دەن استام قاتىسۋشىلاردى جينادى.
ەركەبۇلان ميللات زياتكەرلىك مەكتەبىنىڭ 10-سىنىپ وقۋشىسى فورۋم سپيكەرلەرىنىڭ ءبىرى، 2021 جىلعى تۇلەگى ءانۋار رىسبەك سياقتى بولاشاقتا ۇشقىش بولۋدى ارماندايدى.
بۇگىن ءانۋار ۆەنگريانىڭ دەبرەتسەن ۋنيۆەرسيتەتىنىڭ اۆياتسيا فاكۋلتەتىنىڭ 1 كۋرس ستۋدەنتى. ول ءوز سوزىندە NIS قالىپتاستىرعان مۋلتيتاسكينگ، پسيحوەموتسيونالدى جاعدايدى باقىلاۋ، تايم-مەنەدجمەنت سىندى داعدىلار ۋنيۆەرسيتەتتە ۇزدىك ستۋدەنتتەردىڭ ءبىرى بولۋىنا كومەكتەسكەنىن باسا ايتتى.
2018 جىلدىڭ تۇلەگى انتون مورگۋنوۆتىڭ ءسوزى وقۋشىلار اراسىندا ەرەكشە قىزىعۋشىلىق تۋدىردى. ول بىردەن اقش-تىڭ بەس ۇزدىك ۋنيۆەرسيتەتىنە شاقىرتۋ العان. قازىرگى ۋاقىتتا MIT (ماسساچۋسەتس تەحنولوگيالىق ينستيتۋتى) 4 كۋرس ستۋدەنتى، سونىمەن قاتار حالىقارالىق وليمپيادالاردىڭ جەڭىمپازدارى مەن جۇلدەگەرلەرى قازاقستانداعى مەكتەپ وقۋشىلارى ءۇشىن تەگىن ونلاين ساباقتار وتكىزەتىن Beyond Curriculum ءبىلىم بەرۋ ونلاين پلاتفورماسىنىڭ نەگىزىن قالاۋشى بولىپ تابىلادى.
سامعاۋ فورۋمىنىڭ پايداسى زور. بۇل تاڭداۋلى ۋنيۆەرسيتەتتەرگە ءتۇسۋدىڭ ەگجەي-تەگجەيلەرى تۋرالى، سونداي-اق ماماندىق تاڭداۋدا نە نارسەگە نازار اۋدارۋ كەرەكتىگى تۋرالى ءبىلۋ مۇمكىندىگى. مىسالى، مەن ءۇشىن حيميك رەتىندە حيميككە ماتەماتيكانىڭ تەرەڭ قۇرالدارى قانشالىقتى قاجەت بولاتىنى تاڭ قالدىردى، — دەيدى انتون ءوز سۇحباتىندا.
وسى ارادا ايگىلى «ليگا پليۋششا» - گارۆارد ۋنيۆەرسيتەتىنىڭ ەكىنشى كۋرس ستۋدەنتى سەزىم ەرتاناتوۆ پايدالى كەڭەستەرمەن ءبولىسىپ، ءاربىر وقۋشىنىڭ «گارۆاردقا قالاي تۇسۋگە بولادى؟» دەگەن كوكەيىندەگى ساۋالىنا جاۋاپ بەردى.
وقۋداعى جەتىستىكتەرىم، كوشباسشىلىق قاسيەتتەرىم، ۇلكەن جۇمىس قابىلەتىم جوسپارىمدى جۇزەگە اسىرۋعا مۇمكىندىك بەردى. گارۆاردقا ءتۇسۋ كەزدەيسوق ماسەلە ەمەس، تىنىمسىز ەڭبەكتىڭ ناتيجەسى. قول جەتپەس اسۋ جوق، ارمان بولسا ورىندالمايتىن ەشنارسە جوق»، – دەپ تۇيىندەدى سەزىم سۇحباتىن.
NIS تۇلەگى ەسىمىن الىپ ءجۇرۋ مەن ءۇشىن ۇلكەن مارتەبە. بۇگىن مەن سپيكەر رەتىندە ءسوز سويلەپ، تاجىريبەممەن ءبولىسۋدىڭ بىرەگەي مۇمكىندىگىنە يە بولدىم. مەن بولاشاق ديپلوماتپىن، ىنتىماقتاستىق، ازاماتتىق جاۋاپكەرشىلىك، قازاقستاندىق پاتريوتيزم سياقتى قۇندىلىقتار مەندە دە، ماماندىعىمدا دا ورىن تابا الاتىنى ءسوزسىز»، — دەيدى 2021 جىلدىڭ تۇلەگى، ءال-فارابي اتىنداعى قازۇۋ ءبىرىنشى كۋرس ستۋدەنتى اجار ابيتاەۆا.
سونداي-اق، زياتكەر وقۋشىلار فورۋمنىڭ ارنايى سەسسياسىندا تۇلەكتەردى وزدەرىنىڭ عىلىمي، الەۋمەتتىك، شىعارماشىلىق جانە IT جوبالارىمەن تانىستىردى.
