Мемлекет басшысы Қасым-Жомарт Тоқаев Ресей Федерациясының президенті Владимир Путинге құттықтау жеделхатын жолдады, деп хабарлайды "Адырна" ұлттық порталы Ақордаға сілтеме жасап.
Президент жеделхатта Ресей халқын мемлекеттік мереке – Ресей күнімен құттықтап, Владимир Путинге елінің өркендеуі жолындағы мемлекеттік қызметіне сәттілік тіледі.
«Елдеріміздің арасындағы достық және тату көршілік қатынастардың деңгейі жоғары. Бұл стратегиялық серіктестік және одақтастық рухына толықтай сай келеді», – делінген жеделхат мәтінінде.
Айта кетейік, Ресей күні – 12 маусымда атап өтілетін мемлекеттік мереке. Бұл күн Ресей Федерациясының егемендігі туралы декларация қабылданған тарихи оқиғамен байланысты.
Related news
