Қазақстан құрамасы Лас-Вегаста өткен әлем чемпионатында жеті жүлде иеленді, деп хабарлайды “Адырна” ұлттық порталы.
Әлем чемпионаты күрес түрлері бойынша 23 жасқа дейінгі спортшылар арасында өтті.
Жүлденің үшеуі – алтын, біреуі – күміс, үшеуі – қола.
Еркін күрестен 57 келіге дейінгі салмақ дәрежесінде Мерей Базарбаев әлем чемпионы атанды.
Грек-рим күресінен Айбек Айтбеков (60 келіге дейін) пен Юсуф Ашрапов (72 келіге дейін) алтын медаль жеңіп алды. Ал Темирлан Турдақын (87 келіге дейін) күміс жүлдеге ие болды.
Сондай-ақ грек-рим күресінен Арсен Жұма (55 келіге дейін) мен Джохар Узаров (130 келіге дейін) қола медаль еншіледі.
Әйелдер арасындағы бәсекеде Шұғыла Өмірбек (55 келіге дейін) қола жүлдегер атанды.
Related news
