Ирактің үстінде АҚШ әскери жанармай құйғыш KC-135 ұшағы апатқа ұшырап, төрт адам қаза тапты. Report мәліметінше, бұл туралы АҚШ Қарулы Күштерінің Орталық командованиесі (CENTCOM) X әлеуметтік желісіндегі хабарламасында жариялады, деп хабарлайды "Адырна".
«Ұшақта болған алты экипаж мүшесінен төртеуі қаза тапқанын растадық. Құтқару жұмыстары жалғасуда, апаттың себептері тергелуде», – делінген хабарламада.
Сонымен қатар, олардың жеке деректері жақын туыстарына хабарлануына дейін 24 сағат бойы жарияланбайтыны айтылды.
Құтқару кезінде хабарланғандай, апатқа ұшыраған америкалық KC-135 Stratotanker ұшағында кемінде бес адам болған. Әдетте мұндай ұшақтарда 3–4 экипаж мүшесі – ұшқыш, екінші ұшқыш және жанармай құйғыш оператор қызмет етеді. Кейбір миссиялар үшін қосымша экипаж мүшелері қажет болуы мүмкін. Ұшақ өзінің негізгі функциясынан бөлек, транспорттық мақсатта және жараланғандарды эвакуациялау үшін де қолданылады.
CENTCOM хабарлағандай, құтқару жұмыстары әлі жалғасуда, апатқа қатысты әскери қызметкерлердің зардап шеккені немесе қаза тапқаны туралы нақты мәлімет жоқ.
Еске салсақ, АҚШ Иранға қарсы әскери операция кезінде KC-135 ұшағын жоғалтқан.
«CENTCOM KC-135 жанармай құйғыш ұшағының жоғалғанын растайды. Инцидент «Эпикалық ашу» операциясы кезінде, достық әуе кеңістігінде орын алды. Оқиғаға екі әуе кемесі қатысқан: біреу апатқа ұшырап, Ирак батысында құлады, екіншісі аман-есен қонды. Бұл оқиға қарсылас немесе достық огнемен байланысты емес», – деп жазылған хабарламада.
