Президент Қасым-Жомарт Тоқаевтың Жапонияға ресми сапары аясында жалпы сомасы 3,7 миллиард доллардан асатын 60-тан астам екіжақты құжатқа қол қойылды, деп хабарлайды "Адырна" ұлттық порталы.
Бұл туралы Ақорданың баспасөз қызметі хабарлады.
Мемлекет басшысы сауда-экономикалық және инвестициялық ынтымақтастықты жандандырудың маңызын атап өтті.
Оның айтуынша, 2023 жылы Қазақстан мен Жапония арасындағы тауар айналымы шамамен 2 миллиард долларға жеткен. Қазақстан Жапония нарығына уран, сирек кездесетін металдар және мұнай экспорттайды.
Президент Тоқаев «Орталық Азия – Жапония» форматындағы бизнес форум екіжақты байланыстарды тереңдетуге және жаңа инвестициялық жобаларды іске асыруға мүмкіндік беретінін айтты.
Айта кетейік, Мемлекет басшысы 17 желтоқсанда Жапонияға ресми сапармен барған.
