Қазақстандықтардың зейнетақы жинақтары 2022 жылғы наурызда ақпанмен салыстырғанда 4,5%-ға азайды, деп хабарлайды "Адырна" ұлттық порталы. Бұл туралы ҚР Ұлттық банкі мәлімдеді.
«2022 жылдың 1 сәуіріндегі жағдай бойынша салымшылардың зейнетақы жинақтары 13 трлнды құрады және 2022 жылғы наурызда 606 млрд теңгеге немесе 4,5%-ға азайды», - делінген реттеуші дүйсенбіде жариялаған есебінде.
Ақпаратқа сәйкес, 2022 жылдың наурыз айындағы зейнетақы төлемдері 887 млрд теңгені құрады.
Міндетті зейнетақы жарналары бойынша салымшылардың зейнетақы шоттарының саны (жинақтары жоқтарды қоспағанда) 2022 жылғы 1 сәуірдегі жағдай бойынша 10 861 599 болды.
«Наурызда инвестициялық кіріс 305 млрд теңгені құрады», - делінген ақпаратта.
"Адырна" ұлттық порталы
Related news
