Үкімет басшысы ел тұрғындарының интернет жылдамдығына шағымданушылардың көбейгенін айтады, деп хабарлайды "Адырна" тілшісі.
Олжас Бектенов жауаптыларға интернет жылдамдығын арттыруды тапсырды.
"Бұл ретте премьер-министр халықтың интернет пен ұялы байланыс сапасына қатысты шағымдарына назар аударды. Тек былтырдың өзінде байланыс сапасына шамамен 21 мың шағым келіп түсіп, биыл 5 айда мұндай шағымдар саны 11 мыңға жуықтаған", - делінген хабарламада.
Премьердің пікірінше, интернет мәселесі тек шалғай елді мекендерде ғана емес. Қалаларда да мобильді байланыс пен интернет сигналының көңілден шықпауы байқалуда. Премьер-министр отырыста бұл мәселені жедел шешуді және қолданыстағы инфрақұрылымды жаңартуды тапсырған.
