Алматы сотында Рахат Тұрлыхановтың ісі ұрып-соғу фактісі бойынша қайта қаралады, деп хабарлайды «Адырна» тілшісі.
Сот кеңсесі 10 қаңтарда сотқа прокуратура наразылық білдіріп, апелляциялық шағым түсіргенін айтты. Бірінші инстанция сотының шешіміне прокурорлар келіспей отыр.
«Алматы қаласының әкімшілік істер жөніндегі мамандандырылған ауданаралық сотының шешіміне Түрксіб ауданының прокуроры наразылық білдірді»,—деп түсіндірді қалалық прокуратура.Айта кетейік, бұған дейін белгілі әнші Рахат Тұрлыхановтың әйелін соққыға жыққаны үшін тағы да сот алдында жауап беретіні туралы жазған едік.
