Қытайда ҚХР құрылған күніне орай басталған мерекелік демалыстың алғашқы күнінде рекорд орнады, деп хабарлайды “Адырна”.
Бір күнде теміржол көлігімен рекордтық 25,2 млн жолаушы тасымалданды.
1 қазанда 25,2 млн жолаушы тасымалданды.
Сұранысты қамтамасыз ету үшін Қытай теміржолдары қосымша 1 462 пойыз шығаруды жоспарлаған.
Жолаушылар ең көп жөнелтілген қалалардың қатарында Бейжің, Гуанчжоу, Шанхай, Чэнду, Шэньчжэнь, Ханчжоу, Ухань, Сиань, Чжэнчжоу және Нанкин бар.
Жүктемесі жоғары бағыттар қатарында «Сиань – Чэнду», «Бейжің – Шэньян», «Бейжің – Чжэнчжоу» және «Бейжің – Циндао» бағыттары аталды.
Қытай теміржолдары 23 қыркүйек пен 8 қазан аралығындағы Күз ортасы мерекесі мен ҚХР құрылған күніне орай берілген демалыс кезеңінде шамамен 284 млн жолаушы тасымалдайды деп күтілуде.
