Омбы облысының үкіметі Қазақстан мен Ресейдің өңіраралық ынтымақтастығының XXII форумының өтетін күнін жариялады, деп хабарлайды «Адырна» тілшісі
Іс-шара 24–25 шілдеде өтпек. Форумның негізгі алаңы ретінде Омбы конгресс-холы белгіленген.
«Форумның іскерлік бағдарламасында екіжақты ынтымақтастықтың өзекті мәселелері бойынша панельдік пікірталастар, жастар форумы, Ресей–Қазақстан және Қазақстан–Ресей Іскерлік кеңестерінің бірлескен отырысы, сондай-ақ іскерлік байланыстар биржасы жоспарланған. Дәстүр бойынша форум аясында екі елдің әлеуетін таныстыратын мәдени және көрме іс-шаралары ұйымдастырылады. Ресейдің Экономикалық даму министрлігі форумды өткізуге белсенді дайындық жүргізіп жатыр. Ресей мен Қазақстан өңірлері арасында ынтымақтастық туралы құжаттарға, сондай-ақ коммерциялық келісімдерге қол қою күтілуде», – делінген «Омбы губерниясы» үкіметтік порталының хабарламасында.
Өңіраралық ынтымақтастықтың алдыңғы форумы 2025 жылдың қараша айында Орал қаласында өткен болатын. Дәстүр бойынша 2026 жылы бұл іс-шараны Ресейдің шекаралас қалаларының бірі қабылдауы тиіс еді.
2026 жылдың мамыр айында президент Қасым-Жомарт Тоқаев форумның 20 тамызда өтетінін айтқан еді. Алайда өткен аптада «Коммерческие вести» басылымы форумның 24–25 шілдеде өтетінін мәлімдеген. Сонымен қатар екі ел президентінің іс-шараға жеке қатысуы жоспарланбағаны айтылды.
Мәліметке сәйкес, Владимир Путин мен Қасым-Жомарт Тоқаев 25 шілдеге белгіленген пленарлық отырысқа бейнеконференция байланысы арқылы қатыспақ.
